झापा, मङ्सिर १२ गते । झापामा बस दुर्घटना हुँदा एक जनाको मृत्यु भएको छ भने २३ जना घाइते हुनुभएकाे छ ।
पूर्वपश्चिम राजमार्ग अन्तर्गत झापाको कन्काई नगरपालिका ८ स्थिति बिरिङ पुलमा पूर्वबाट पश्चिमतर्फ जाँदै गरेको ना ५ ख ८०४१ नम्बरको बस दुर्घटना भएको हो । पत्ति भाँचिएर बस दुर्घटनामा परेको झापा प्रहरीले जनाएको छ ।
दुर्घटनामा घाइते पुरुषको उपचारको क्रममा बिर्तामोडमा रहेको बिर्तासिटी अस्पतालमा मृत्यु भएको हो । मृतकको सनाखत हुन नसकेको झापा प्रहरी प्रवक्ता वसन्त पाठकले जानकारी दिनुभयो । घाइतेको झापाकै विभिन्न अस्पतालमा उपचार भइराखेको छ ।
