काठमाडौं, माघ १८ गते । प्रधानमन्त्री शेरबहादुर देउवा र निर्वाचन आयोगका पदाधिकारीबीचको छलफल सकिएको छ । प्रधानमन्त्रीको सरकारी निवास बालुवाटारमा मंगलबार दिउँसो भएको छलफलमा स्थानीय तहको निर्वाचनको विषयमा छलफल भएको छ ।
आयोगका प्रवक्ता शालिग्राम शर्मा पौडेलले प्रधानमन्त्री देउवा र निर्वाचन आयोगका पदाधिकारीबीचको छलफल सकिएको जानकारी दिनुभयो । उहाँका अनुसार प्रधानमन्त्री देउवासँग छलफल सकिएलगत्तै आयोगका पदाधिकारी पुनः छलफलमा बस्नुभएको छ ।
स्थानीय तह निर्वाचन ऐनअनुसार स्थानीय सरकारमा निर्वाचित सदस्यहरुको पाँच वर्षे कार्यकाल आगामी जेठ ५ गते सकिन्छ । त्यसको दुई महिना अघि निर्वाचन गर्नुपर्ने कानुनी व्यवस्था छ ।
