अदालतमा महराको पाँच घन्टा लामो बयान

निवर्तमान सभामुख कृष्णबहादुर महराले आफूविरुद्ध पेस भएको अभियोगबारे काठमाडौँ जिल्ला अदालतमा शुक्रबार पाँच घन्टा लामो बयान दिनुभएको छ । यसअघि जिल्ला सरकारी वकिल कार्यालय काठमाडौँमा दिएकै बयानको सेरोफोरमा महराले पाँच घन्टाभन्दा लामो बयान दिनुभएको हो ।

कांग्रेसमा १० नेतालाई उम्मेदवार छान्ने अधिकार

नेपाली कांग्रेस केन्द्रीय कार्य समितिको बैठकले आगामी मङ्सिर १४ गते हुने स्थानीय तह, प्रदेशसभा र प्रतिनिधिसभा सदस्यको उपनिर्वाचनका लागि उम्मेदवार छनोट गर्ने जिम्मा केन्द्रीय पदाधिकारीलाई दिएको छ ।

नेपाल–युएई संयुक्त कार्यसमूह बैठक - समझदारी कार्यान्वयनमा मार्गप्रशस्त हुने   

नेपाल र संयुक्त अरब इमिरेट्स (युएई) बीच भएको श्रम समझदारी (एमओयु) को कार्यान्वयनमा मार्गप्रशस्त गर्न दुवै देशका प्रतिनिधि सम्मिलित संयुक्त कार्य समूह (जेडब्लुसी) को पहिलो बैठक यही कात्तिक १७ र १८ गते काठमाडौँमा बस्ने भएको छ ।    

निजगढ विमानस्थल निर्माणमा स्थानीय आवश्यक छ : नेता नेपाल

नेपाल कम्युनिष्ट पार्टी (नेकपा) का वरिष्ठ नेता माधवकुमार नेपालले निजगढ दोस्रो अन्तर्राष्ट्रिय विमानस्थल निर्माणमा स्थानीयवासीको सहयोग आवश्य रहेको बताउनुभएको छ । जीतपुरसिमरा उपमहानगरपालिका–१६ पिलुवाका स्व ईश्वरी बजगाईँको १३औँ दिनको पुण्यतिथिमा बारा आउनुभएका पूर्वप्रधानमन्त्रीसमेत रहनुभएका नेता नेपालले विमानस्थलमा रहेका चुनौति पन्छाउन स्थानीयवासीको भरपुर साथ र सहयोग आवश्यक रहेको बताउनुभयो ।

महिला हिंसा रोक्न सामूहिक प्रयासको खाँचो : मन्त्री थापा

महिला, बालबालिका तथा ज्येष्ठ नागरिकमन्त्री थममाया थापाले महिला हिंसा रोक्न एकल प्रयासले सम्भव नहुने बताउनुभएको छ । मुलुकको पुनःसंरचनासँगै सङ्घ, प्रदेश र स्थानीय तहको क्षेत्राधिकार फरकफरक रहेकाले तीनै तहको सरकारसँगै स्थानीय समुदायको समेत सहभागितामा हिंसा न्यूनीकरण गर्न सकिने उहाँले उल्लेख गर्नुभयो ।