उपत्यकामा डेङ्गुसँगै स्क्रब टाइफस

उपत्यकामा डेङ्गुसँंगै स्क्रब टाइफस पनि फैलिएको छ । मुसामा हुने माइट नामको जीवाणुबाट मानिसमा सर्ने स्क्रब टाइफबाट साउनदेखि यता सात सयजना व्यक्ति सङ्क्रमित भएका छन् भने तीन जनाको मृत्यु भएको छ ।

हेलिकप्टरबाट सुत्केरी र तीन नवजात शिशुको उद्दारपछि उपचार हुँदै

नौगाड गाउँपालिका – २ ककनाडी चौखुट्टेकी २५ वर्षीया मानमती धामीले सोमबार बिहान स्वास्थ्य चौकी खारमा तिम्ल्याहा छोरी जन्माउनुभयो । सुत्केरी हुने समय अगावै कम तौलका तीन बच्चा जन्माएपछि सुत्केरी महिलालाई सुविधा सम्पन्न अस्पताल लैजान स्वास्थ्यकर्मीले सिफारिस गरे पनि परिवारले आर्थिक अभाव देखाउँदै लैजान सकेनन् । दुर्गम क्षेत्रको विपन्न परिवारकी मानमतीको तल्लो पेट दुख्ने तथा रक्तस्राव भइरहेकाले ज्यान खतरामा थियो...

फिनल्याण्ड र युएइले नेपालको विकासमा सघाउने   

फिनल्याण्ड र युएइले नेपालको सामाजिक–आर्थिक विकासमा सघाउने प्रतिबद्धता व्यक्त गरेका छन् । संयुक्त राष्ट्रसङ्घको ७४औँ महासभामा भाग लिने सिलसिलामा यहाँ रहनुभएका परराष्ट्रमन्त्री प्रदीपकुमार ज्ञवालीसँग सोमबार फिनल्याण्ड र संयुक्त अरब इमिरेट्स (युएइ)का उच्च अधिकारीबाट भएका बेग्लाबेग्लै भेटवार्तामा त्यस्तो प्रतिबद्धता व्यक्त भएको हो ।    

श्री एयरलाइन्समा पाँच सयमै हवाई टिकट

निजी क्षेत्रको आन्तरिक हवाई सेवा प्रदायक श्री एयरलाइन्सले ८५ वर्ष उमेर पुगेका नेपाली नागरिकलाई पाँच सय रुपियाँमै हवाई सेवा प्रदान गर्ने भएको छ । कम्पनीले चाडपर्वलाई लक्षित गर्दै असोज १२ गतेदेखि यस्तो सुविधा उपलब्ध गराउन लागेको जनाएको छ ।

दशैँका लागि सीमामा थप ‘हेल्प डेस्क’

दशैँ, तिहार, छठजस्ता महत्त्वपूर्ण चाडपर्वमा विदेशबाट स्थलमार्ग हुँदै नेपाल प्रवेश गर्ने नागरिकको सहायताका लागि सीमानाकामा थप ‘हेल्प डेस्क’ स्थापना गरिने भएको छ । नागरिकको सहायता, सुरक्षा व्यवस्थाका लागि थप हेल्प डेस्क राख्न लागिएको गृहमन्त्री रामबहादुर थापाले जानकारी दिनुभयो ।