रुकुमबाट काठमाडौं छुटेको बस दुर्घटना : आठ जना घाइते

रुकुम पश्चिमको मुसिकोट नगरपालिका ७ किटनीमा बस दुर्घटना हुँदा आठ जना घाइते भएका छन्। बा ३ ख ९६६५ नम्बरको यात्रु बस दुर्घटना हुँदा आठ जना घाइते भएको जिल्ला प्रहरी कार्यालयका प्रहरी निरीक्षक डेकेन्द्र शर्माले जानकारी दिनुभयो। बिहीबार दिउँसो रुकुम पश्चिमको मुसिकोटबाट रुकुमकोट हुँदै काठमाडौंका लागि छुटेको बस किटनीमा दुर्घटना भएको हो।

नागरिक स्वास्थ्य सेवा केन्द्रकाे ऊर्जामन्त्री भुसालद्वारा उद्घाटन

ऊर्जा, जलस्रोत तथा सिंचाइमन्त्री पम्फा भुसालले नागरिक स्वास्थ्य सेवा केन्द्र र ज्येष्ठ नागरिक मिलन केन्द्र थेरापी सेन्टरको सुरुवात गर्नुभएकाे छ । ललितपुर महानगरपालिका, खोकनामा बिहीबार आयोजित एक कार्यक्रममा उहाँले वडावासीको स्वास्थ्योपचार सुधारका लागि पहल गर्ने प्रतिबद्धता व्यक्त गर्नुभयाे।

संसदमा देखिएका समस्या संवादबाटै समाधान हुने सभामुखको विश्वास

सभामुख अग्निप्रसाद सापकोटाले संसदमा देखिएका समस्या संवादबाटै समाधान हुने विश्वास व्यक्त गर्नुभएको छ । गृहजिल्ला सिन्धुपाल्चोकको जुगल गाउँपालिका–१ र ५ जोड्ने मोटरेवरल पुलको शिलान्यासपछि आयोजित कार्यक्रममा सभामुख सापकोटाले ठूला विवादको पनि संवादबाट निकास निस्कने गरेको उल्लेख गर्दै संसद्को विवाद पनि संवादबाटै समाधान हुने उल्लेख गर्नुभयो ।

एक पटक चार्जमा ५० किलोमिटर गुड्ने स्कुटर बनायो नास्टले

नेपाल आयल निगमले निर्धारण गरेको मूल्य अनुसार हाल एक लिटर पेट्रोलको मूल्य रु. १६० पर्छ । अन्तर्राष्ट्रिय बजारमा लगातार पेट्रोलियम पदार्थको मूल्य उकालो लागिरहेको छ । खासगरी रुस र युक्रेनबीचको सङ्घर्षको बाछिटाले लगातार इन्धनको मूल्यवृद्धि भइरहेको छ । यस्तो अवस्थामा राज्यको ठूलो धनराशि पेट्रोलियम पदार्थको खरिदमा खर्च भइरहेको छ ।

नेपाल बारको निर्वाचन : अध्यक्षमा घिमिरे एक हजार ९३ मतले अगाडि

नेपाल बार एशोसिएशनको २६औँ केन्द्रीय कार्यसमितिको निर्वाचनको मतगणनामा बृहत् लोकतान्त्रिक प्रगतिशील समावेशी तथा पेशागत कानुन व्यवसायी समूहतर्फबाट अध्यक्ष गोपालकृष्ण घिमिरेले अग्रता लिनुभएको छ । हालसम्म ३३ केन्द्रको मतगणना गर्दा उहाँले दुई हजार २१५ मत प्राप्त गर्नुभएको छ भने प्रगतिशील तथा पेशागत कानुन व्यवसायी समूहका अध्यक्ष विष्णुमणि अधिकारीले एक हजार १२२ प्राप्त गर्नुभएको छ ।