घोषणापत्रमा देशको न्यायिक क्षेत्रको विषय समावेश छ : एमाले अध्यक्ष ओली

प्रमुख प्रतिपक्षी दल नेकपा एमाले अध्यक्ष केपी शर्मा ओलीले पार्टीको चुनावी घोषणापत्रमा देशको न्याय क्षेत्र कस्तो, कति स्वतन्त्र र निष्पक्ष छ भन्ने विषय समावेश गरिएको बताउनुभएको छ । कालान्तरमा न्याय क्षेत्रको अध्ययन कसैले गर्छ भन्ने त्यो एमालेले न्याय क्षेत्रको विषय पाठ्य सामाग्रीकोरुपमा तयार गर्ने उहाँले बताउनुभयो ।

सबै मिलेर नेपाललाई दक्षिण एसियाकै समृद्ध मुलुक बनाउनुपर्छ : मन्त्री कार्की

सञ्चार तथा सूचना प्रविधिमन्त्री ज्ञानेन्द्रबहादुर कार्कीले नेपाललाई दक्षिण एसियाकै समृद्ध मुलुक बनाउने प्रतिबद्धता व्यक्त गर्नुभएको छ । नेपाल मोबाइल व्यवसायी महासङ्घको प्रथम साधारणसभाको यहाँ आज उद्घाटन गर्दै उहाँले नेपाललाई दक्षिण एसियामै समृद्ध बनाउन सकिने धेरै आधार रहेको भन्दै पर्याप्त छलफलका आधारमा त्यसलाई सही ढङ्गबाट परिचालन गरी समृद्ध नेपाल निर्माणमा जुट्नुपर्ने बताउनुभयो ।

निर्वाचन आचारसंहिता कार्यान्वयन गर्ने सन्दर्भमा आयोगले पत्रकार सम्मेलन गर्दै

स्थानीय तह निर्वाचन आचारसंहिता कार्यान्वयन गर्ने सन्दर्भमा निर्वाचन आयोगले आज पत्रकार सम्मेलनको आयोजना गरेको छ । शुक्रबार अपरान्ह ५ बजे आयोगमा निर्वाचन आचारसंहिता कार्यान्वयन गर्ने सन्दर्भमा पत्रकार सम्मेलनको आयोजना गरेको आयोगका प्रवक्ता शालिग्राम शर्मा पौडेलले जानकारी दिनुभयो ।

अर्घाखाँचीमा बस दुर्घटना हुँदा ३० जना घाइते

सन्धिखर्क नगरपालिका– २ भलाडाँडामा शुक्रबार बस दुर्घटना हुँदा ३० जना घाइते भएका छन्। प्युठानको स्वर्गद्वारी दर्शन गरेर सुपा देउराली हुँदै पोखरा जाँदै गरेको ग २ ख ६८० नम्बरको बस दुर्घटना हुँदा ३० जना घाइते भएको जिल्ला प्रहरी कार्यालय अर्घाखाँचीका प्रहरी निरीक्षक सुजन शाहले जानकारी दिनुभयो।

भूस्खलन रोक्न चुरे र खहरेमा तटबन्ध निर्माण

राष्ट्रपति चुरे तराई/मधेस संरक्षण विकास समिति कार्यान्वयन एकाइ जनकपुरले चुरेको नदीजन्य पदार्थलाई चुरेमै रोक्न बाँध (चेक ड्याम) निर्माणमा तीव्रता दिएको छ । जनकपुर एकाइले माटो, बालुवा तथा गेगरलाई चुरेमै रोक्न आफ्नो कार्य क्षेत्रभित्र पर्ने धनुषा, महोत्तरी, सर्लाही, रौतहट र सिन्धुली जिल्लाको चुरे क्षेत्रमा पर्ने खहरे खोलामा बाँध निर्माण कार्यलाई तीव्रता दिएको हो ।