मतदाता नामावली सङ्लकन मङ्सिर १७ गतेदेखि

निर्वाचन आयोगले यही मङ्सिर १७ गतेदेखि मतदाता नामावली संलकनसम्बन्धि विशेष अभियान सञ्चालन गर्ने जनाएको छ । मतदाता नामावली ऐन, २०७३ बमोजिम नियमित रुपमा ७७ वटै निर्वाचन कार्यालय, ७७ जिल्ला प्रशासन कार्यालय तथा विभिन्न ४० वटा इलाका प्रशासन कार्यालयबाट मतदाता नामावली सङ्कलन कार्यलाई निरन्तरता दिँदै मङ्सिर १७ गतेबाट ६३७ वटा स्थानीय तहको केन्द्रमा समेत मतदाता नामावली सङ्कलन हुने आयोगले जनाएको छ ।

नेपाल बारले बुझायो दललाई ज्ञापनपत्र

नेपाल बार एशोसिएसनले सभामुख र नेकपा (एमाले) संसदीय दलका नेतालाई ज्ञापनपत्र बुझाएको छ । सोमबार बारका पदाधिकारीहरुले सभामुख अग्निप्रसाद सापकोटा र एमाले संसदीय दलका उपनेता सुवासचन्द्र नेम्वाङलाई ज्ञापनपत्र बुझाउनुभएको हो ।

एमाले स्थायी कमिटी बैठक भोलि विहान ११ बजे बस्ने

प्रमुख प्रतिपक्षी दल नेकपा (एमाले) को आज बस्ने भनिएको स्थायी कमिटी बैठक स्थगित भएको छ । बैठक भोली मंगलबार विहान ११ बजे बस्ने एमाले पार्टी कार्यालय सचिव शेरबहादुर तामाङले बताउनुभयो ।

खेल पूर्वाधारको निर्माण र संरक्षणमा विशेष व्यवस्था गरिनेछ – खेलकुद मन्त्री

युवा तथा खेलकुदमन्त्री महेश्वर गहतराज ‘अथक’ले वर्तमान सरकारले खेल पूर्वाधारको निर्माण र ती पूर्वाधारको संरक्षणका लागि विशेष व्यवस्था गर्ने बताउनुभएको छ । नेपालगञ्ज रंगशाला लगायत रंगशाला परिसरमा निर्माण गरिएका महत्वपूर्ण खेल पूर्वाधारहरुको सोमबार निरीक्षण गर्दै उहाँले खेल पूर्वाधार निर्माण गरेर त्यसको संरक्षण नगर्ने हो भने निर्माणको कुनै अर्थ नरहेको बताउनुभयो ।

काँग्रेस महाधिवेशन : तीन प्रतिनिधिसभा निर्वाचन क्षेत्रमा निर्वाचन हुँदै

नेपाली काँग्रेसको कञ्चनपुरका तीनवटै प्रतिनिधिसभा निर्वाचन क्षेत्रस्तरीय निर्वाचन हुँदैछ । पार्टीको १४औँ महाधिवेशनअन्तर्गत आज क्षेत्रीय अधिवेशन भइरहेको काँग्रेस कञ्चनपुरका सचिव दिवाकर पाण्डेयले जानकारी दिनुभयो । राष्ट्रिय राजनीतिमा समेत परिचित नेता कांग्रेस केन्द्रीय सदस्य रमेश लेखक र नारायणप्रकाश साउदको गृहजिल्लामा नेता नता कार्यकर्ता चुनावी समूह बनाएर विभिन्न पदमा प्रतिस्पर्धा गरिरहेका छन् । कञ्चनपुरको...