चार वर्षे कार्यकाल : कोरोना कहरदेखि बुर्जुवा शिक्षासम्मको समीक्षा

राजनीतिक र कोरोना सङ्क्रमणका बीचमा पनि प्रत्यायोजित विधानका सम्बन्धमा मन्त्रालय र मातहतका निकायलाई अवगत गराउन, स्पष्ट पार्न, जागरुक र सचेत तुल्याउन सफल भएको दाबी गरिएको छ । प्रत्यायोजित व्यवस्थापन तथा सरकारी आवश्वासन समितिको चार वर्षे कार्यकालको बुधबारको समीक्षा बैठकमा सभापति रामनारायण बिडारीले सहायक कानुन बनाउने र लागू गर्ने सन्दर्भमा समितिका सुझाव, अडान र निर्देशन महत्वपूर्ण कदम भएको बताउनुभयो ।

राप्रपा केन्द्रीय समितिको बैठक जारी

राष्ट्रिय प्रजातन्त्र पार्टी राप्रपाको केन्द्रीय कार्य समितिको बैठक बिहीबार पनि जारी छ । बुधबारदेखि सुरु भएको राप्रपा केन्द्रीय समितिकमा मुख्यतः तीन वटा प्रतिवेदन पेश भएको थियो । आजको बैठकमा प्रतिवेदनमाथि सदस्यहरुले धारणा राख्ने क्रम चलिरहेको राप्रपाका पार्टी प्रवक्ता मोहन श्रेष्ठले बताउनुभयो ।

भिजिट भिसासम्बन्धी गठित कार्यदलले बुझायाे प्रतिवेदन

भिजिट भिसा र सोबाट सृजित समस्या तथा समाधानका उपायहरू सम्बन्धमा सिफारिस गर्न गठित कार्यदलले गृहमन्त्री बालकृष्ण खाणलाई आफ्नो अध्ययन प्रतिवेदन बुझाएको छ । गृह मन्त्रालयमा आयोजित कार्यक्रममा कार्यदलका संयोजक गृह मन्त्रालयका प्रवक्ता फणिन्द्रमणि पोखरेलले प्रतिवेदन बुझाउनु भएको हो ।

६५ वर्ष पुगेका पत्रकारलाई अब ‘ज्येष्ठ पत्रकार वृत्ति’

सरकारले ६५ वर्ष पुगेका पत्रकारलाई ज्येष्ठ पत्रकार वृत्ति दिने भएको छ। फागुन ११ गते बसेको सूचना तथा सञ्चार प्रविधि मन्त्रालयको सचिव स्तरीय निर्णय भएसँगै अब ज्येष्ठ पत्रकारले ६५ वर्ष पूरा भएपछि वृत्ति पाउने भएका हुन्। सरकारले ‘पत्रकार वृत्ति कोष सञ्चालन मापदण्ड–२०७८’ अनुसार ‘जेष्ठ पत्रकार वृत्ति’ प्रदान गर्ने निर्णय गरेको हो।

वीरेन्द्रनगरमा जारी निषेधाज्ञा हटाइयो

शान्ति सुरक्षाको अवस्था समान्य भएपछि वीरेन्द्रनगरमा जारी निषेधाज्ञा बिहीबार विहान ६ बजेबाट लागू हुने गरी  हटाइएको छ। जिल्ला प्रशासन कार्यालय सुर्खेतले सूचना जारी गरेर वीरेन्द्रनगरका विभिन्न ठाउँमा जारी गरेको निषेधाज्ञा हटाइएको जानकारी दिएको हो।