राजन रावत
सिमकोट असोज २३ गते । सिमकोटबाट खार्पुनाथ जाने क्रममा बोलेरो जीप दुर्घटना हुँदा छ जना महिला तथा बालबालिका घाईते भएका छन् । जीप सिमकोट गाउँपालिकाको वडा नम्बर ५ को सार्कीबाडामा दुर्घटना भएको हो ।
लु २ प २२६७ नम्बरको बोलेरो जीपमा तीन जना बालबालिका सहित १५ जना यात्रुहरु सवार रहेको दुर्घटना स्थलबाट प्रत्यक्षदर्सी सरोज रावतले बताउनुभयो । जीप दुर्घटनामा परि घाईते हुनेहरूमा खार्पुनाथ गाउँपालिका वडा नम्बर ४ निवासी रीमा जेठारा, असकला जेठारा, हदेली जेठारा र ठेगाना नखुलेकी कमला टमाटा रहेको प्रहरी नायब उपरिक्षक रामप्रसाद घर्तिमगरले बताउनुभयो । घाईते छ जनालाई सिमकोटबाट उद्धारका लागि गएको अर्को बोलेरो जीपले जिल्ला अस्पताल पु¥याएको थियो
। घाईते महिलाहरु आत्तिएको र दुई जना महिलालाई गम्भीर चोट लागेको उद्धारमा खटिएका अजय बस्नेतले बताउनुभयो । घटनामा घाईते हुनेमा दुई जना बालालिका छन् तर उनीहरुको नाम भने खुलेको छैन । सिमकोटबाट खार्पु जाने क्रममा उक्त जीप सार्कीबाडाको ढिस्कोमा ठोक्किएर सडकमै पल्टिएको हो । के कति कारणले गाडी दुर्घटना भएको हो कारण भने खुलेको छैन । जीपमा सवा अन्य भने सकुशल रहेका छन् ।
२०८१ मंसिर १२ बुधवार
