कल्याणपुर समाचारदाता
राजविराज, कात्तिक ५ गते । सशस्त्र प्रहरीले सप्तरीको छिन्नमस्ता गाउँपालिका–२ मोहनपुरबाट बोर्डर इलाकाबाट सोमबार राती लोड गरिएको सिक्सर पेस्तोल बरामद गरेको छ । सशस्त्र प्रहरी बल बिओपी छिन्नमस्ताबाट खटिएको टोलीलाई देखेर मोटरसाइकलमा सवार एक व्यक्ति भागेपछि चेकजाँचका क्रममा लोड गरिएको पेस्तोल बरामद गरिएको हो ।
प्रहरीका अनुसार बोराभित्र लुकाएर राखेको ‘मेड इन इंग्ल्याण्ड’ लेखिएको पेस्तोलसँगै दुई राउण्ड गोली र २८ पिस कस्तुरी नामक मदिरा समेत बरामद गरिएको छ ।
बरामद गरिएको पेस्तोल र माेटरसाइकल र मदिरा इलाका प्रहरी कार्यालय छिन्नमस्तामा राखिएको प्रहरीको जनाएको छ ।
