सन्तोष राउत
सोलुखुम्बु, कात्तिक १३ गते । सोलुखुम्बुको खुम्बु पासाङल्हमु गाउँपालिका–४ लुबुचेको एक होटलमा बास बसेका ५४ वर्षीय एक बेलायती नागरिक मृत भेटिएका छन् ।
बेलायतका केलिनु जोसेफ नाम गरेका नागरिक सोमबार साँझ सो होटलमा बास बसेको र मङ्गलबार विहान साँढे ६ बजे मृत अवस्थामा भेटिएको जिल्ला प्रहरी कार्यालय सोलुखुम्बुले जनाएको छ ।
मृत्युको कारण खुल्न सकेको छैन भने प्रहरीले सम्पूर्ण कानुनी प्रक्रिया पूरा गरी मृतकको शव हेलिकप्टरमार्फत काठमाडौँ पठाएको जिल्ला प्रहरी कार्यालय सोलुखुम्बुका प्रहरी निरीक्षक उत्तम कार्कीले जानकारी दिनुभयो ।
२०८१ मंसिर १० सोमवार
