गोरखापत्र अनलाइन
काठमाडौं,पुस १३ गते । काठमाडौंमा प्रर्दशन गर्ने २७ जना नेत्रविक्रम चन्द (विप्लव) समूहका कार्यकर्ताहरुलाई प्रहरीले नियन्त्रणमा लिएको छ ।
आज दिउँसो प्रदर्शनीमार्गबाट प्रहरीले २७ जना विप्लपका कार्यकर्ताहरुलाई पक्राउ गरेको महानगरीय प्रहरी कार्यालयका प्रवक्ता एसएसपी श्यामलाल ज्ञवालीले जानकारी दिनुभयो । विप्लव समूह निकट विद्यार्थी संगठन अखिल क्रान्तिकारीसँगै सो समूह निकटका विभिन्न वर्गिय संगठनले प्रदर्शन गर्न लागेपछि प्रहरीले २७ जनालाई नियन्त्रणमा लिएको एसएसपी ज्ञवालीले बताउनुभयो । प्रर्दशनको तयारी गरिरहेको समयमा प्रहरीले उनीहरुलाई नियन्त्रणमा लिएको थियो ।
निशेषाज्ञाा तोड्न खोजेपछि प्रहरीले वैद्य माओवादी निकटका केही कार्यकर्ताहरुलाई समेत नियन्त्रणमा लिएको एसएसपी ज्ञवालीले जानकारी दिनुभयो । नियन्त्रणमा लिएकाहरुलाई महेन्द्र पुलिस क्लबमा राखिएको छ ।
