देवराम प्रसाद यादव
सप्तरी पुस १७ गते । पूर्वपश्चिम राजमार्ग अन्तरगत सप्तरीको शम्भुनाथ खण्डमा एक मालबाहक ट्रक दुर्घटनामा परेको छ ।
पूर्वबाट पश्चिम तर्फ चाउचाउ बोकेर जाँदै गरेको ना. ४ ख. ५३५३ नम्बरको ट्रक बिहीबार बिहान ३ बजेतिर शम्भुनाथ ४ गोबिन्द चौक नजिकै सडक किनारमा रहेको रुखमा ठोकिएर पल्टिएको जिल्ला ट्राफिक कार्यालय शम्भुनाथले जनाएको छ ।
बाक्लो हुस्सुका बेला तिब्र गतिमा गाडी चलाउँदा अनियन्त्रित भई रुखमा ठोकिएर सो दुर्घटना भएको प्रहरी निरीक्षक उत्तम कार्कीले जानकारी दिनुभयो ।
सडकमै ट्रक पल्टिदा करिव एक घण्टा आवागमन अवरुद्ध भएको थियो । दुर्घटनामा ट्रक र त्यसमा लोड गरिएको सरसामानमा क्षति पुगेपनि कुनै मानवीय क्षति भने नभएको प्रहरीले जनाएको छ ।
