गोरखापत्र अनलाइन
काठमाडौं, पुस २२ गते । नेपाल प्रहरीलेे होटलमा जुवातास खेलिरहेको अवस्थामा लामा लगायत ७ जनालाई पक्राउ गरेको छ ।
काठमाडौं महानगरपालिका–१५ चौमतीस्थित काभ्रे तिमाल घर भएका ५४ वर्षीय दावा लामाको होटलमा जुवातास खेलिरहेको अवस्थामा लामा लगायत ७ जनालाई नगद ११ हजार ७ सय २० रुपैयाँ र ३ बुक तास सहित सोमबार दिउँसो प्रहरीले पक्राउ गरेको हो ।
महानगरीय प्रहरी वृत्त स्वयम्भूबाट खटिएको प्रहरीले उनीहरूलाई जुवातास खेलिरहेको अवस्थामा फेला पारी पक्राउ गरेको विज्ञप्तीमा उल्लेख छ । यस सम्बन्धमा प्रहरीले आवश्यक अनुसन्धान गरिरहेको बताएको छ ।
