काठमाडौं, पुस २३ गते । त्रिभुवन विमानस्थलमा बैंकक तथा मलेशियावाट आउने भारतीय नागरिकहरुले मलद्वारमा लुकाएर सुन तस्करी गर्ने पाइएसँगै प्रहरीले सकृयता बढाएको छ ।
यो सातामात्रै प्रहरीले सुन तथा हिरा मलद्वारमा लु्काएर ल्याएको अवस्थामा आधा दर्जन भारतीय नागरिहरुलाई प्रहरीले पक्राउ गरेको हो । महानगरीय अपराध महाशाखा टेकु तथा अन्तराष्ट्रिय विमानस्थलको प्रहरीको टोलीले दैनिक जसो भारतीय नागरिकहरुलाई नियन्त्रणमा लिने गरेको छ । बुधबार थाइ एयरलेन्स मार्फत बैंककबाट काठमाण्डौ आएका एक भारतीय नागरिहरुलाई अवैध ६ सय ग्राम सुन सहित प्रहरीले पक्राउ गरेको छ ।
प्रहरीले ६ सय ग्राम सुन सहित मोहम्मद तोशिदलाई पक्राउ गरेको हो । महानगरीय अपराध महाशाखाका एसएसपी सहकुल थापाले शंका लागेपछि एक्सरे गर्दा मलद्वारमा लुकाएर ल्याएको ६ सय ग्राम सुन बरामत गरेको हो ।
