सुरेन्द्र खत्री
रुकुम (पश्चिम), पुस २३ गते । डोल्पाको खदाङबाट रुकुम पश्चिमको गोतामकोटतर्फ आईरहेको ग १ ज ५२०१ नम्बरको जिप रुकुम पश्चिमको आठविसकोट नगरपालिका –६ मन्कामगरमा दुर्घटना हुँदा १२ जना घाईते भएका छन् ।
दुर्घटनामा परी घाईते भएका मध्ये ३ जनाको अवस्था गम्भीर रहेको छ । डोल्पाको मुड्केचुला गाउँपालिका –७ का २३ वर्षीय राज बुढा, १८ वर्षीय आर्यन बुढा र डोल्पा ठूलीभेरी नगरपालिका– ५ का ५२ वर्षीय चन्द्रबहादुर रोकाय गम्भीर घाईते भएका छन् । जिपमा १३ जना यात्रु रहेको प्रहरीले जनाएको छ । मनकाबगरमा ब्रेक फेल भई दुर्घटना हुँदा जिप सडकभन्दा ७० मिटर तल रहेको ठूलीभेरी नदीको किनारमा परेको थियो ।
घाईते सबैजनालाई उपचारका लागि आठबीसकोट नगर अस्पतालमा ल्याइएको रुकुमका निमित्त प्रहरी प्रमुख प्रहरी निरीक्षक कविराज रोकायले बताउनुभयो । गाडी चालक तिलक बिक भने फरार रहेको बताइएको छ ।
२०८१ मंसिर १३ बिहीवार
