टीकाबहादुर बस्नेत
दाङ, माघ २ गते । डोजरको ठक्करबाट दाङमा एक जनाको मृत्यु भएको छ । जिल्लाको शान्तिनगर गाउँपालिकामा वडानम्वर–१ हारिचारमा डोजरको ठक्करबाट ६६ वर्षिय लालबहादुर थापाको मृत्यु भएको इलाका प्रहरी कार्यालय तुलसीपुरले जानकारी दिएको छ ।
बुधबार राति सल्यानबाट हारिचार हुँदै शान्तिनगरतर्फ आउँदै गरेको रा१क ३१५ नम्वरको डोजरको ठक्कर दिँदा सोही ठाउँ निवासी थापाको घटना स्थलमै मृत्यु भएको कार्यालयले जनाएको छ । प्रहरीका अनुसार मृतकको शवलाई पोष्टमार्टमका लागि राप्ती प्रादेशिक अस्पताल तुलसीपुरमा ल्याइएको छ ।
ठक्कर दिने डोजर चालक शान्तिनगर–२ अमुवाका नोखिरम बुढाथोकी र डोजरलाई प्रहरीले नियन्त्रणमा लिइसकेको ईलाका प्रहरी कार्यालय तुलसीपुरले जनाएको छ । कार्यालयका अनुसार घटनाका बारेमा थप अनुसन्धान भइरहेको छ ।
