गोरखापत्र अनलाइन
काठमाडौं, फागुन १२ गते । गोरखापत्र संस्थानमा कार्यरत कर्मचारी गिरीराज चौधरीलाई मातृशोक परेको छ । कर्मचारी चौधरीको ७० बर्षिया आमा लौकी चौधरीको सोमबार बिहान दाङको गडवा गाउँपालिका–७ मा निधन भएको हो । चौधरी गोरखापत्र संस्थानको अनलाइन संस्करण गोरखापत्र अनलाइन डटकममा १० बर्षदेखि कार्यरत कार्यरत रहनु भएको छ । मृतक चौधरीका तीन भाइ छोरा र चार छोरी रहनु भएको छ ।
मृतक चौधरी दुई बर्षदेखि पाठेघरको क्यान्सरबाट पिडित हुनुहुन्थ्यो । पारिवारिक स्रोत अनुसार उहाँको सोमबार दाङको गडवामै दाह संस्कार गरिनेछ । यस घडीमा गोरखापत्र संस्थान, गोरखापत्र अनलाइन डटकम परिवार मृत आत्माको चीर शान्तिको कामना गर्दै शोक सन्तप्त परिवारप्रति हार्दिक समवेदना प्रकट गर्दछौ ।
