प्रतीक शर्मा
सल्यान, फागुन १४ गते । सल्यानमा मोटरसाइकल दुर्घटना हुँदा एक जनाको मृत्यु भएको छ ।
राप्ती लोकमार्गको सल्यान रुकुम खडक खण्डको पटारेमा भएको दुर्घटनामा जिल्लाको शिद्द कुमाख गाउँपालिका- १ निवासी २९ वर्षीय रमेश बुढाथोकीको मुत्यु भएको जिल्ला प्रहरी कार्यालय सल्यानले जनाएको छ ।
बिहान मोख्लाबाट पटारे जाँदै गर्दा पटारेखोलामा सडकबाट करिब ६ मिटर तल खोलामा रा ३ प ८८८८ नम्बर बाइक खसेको र अनुसन्धान भैरहेको जिल्ला प्रहरी कार्यालय सल्यानका निमित्त कार्यालय प्रमुख इन्सपेक्टर उमाकान्त जोशीले जानकारी दिनुभयो ।
दुर्घटनामा मृत्यु हुने बुढाथोकीको शवको पोष्टमार्टमका लागि जिल्ला अस्पताल सल्यानमा ल्याइएको छ ।
