नरेन्द्रकुमार कर्ण
जलेश्वर, फागुन १८ गते । महोत्तरी जिल्लाको मनरासिस्वा नगरपालिका वडा नम्वर ३ मा गए राति गोली लागेर एकजना घाइते भएका छन् ।
मनरा ३ सोनौल बस्ने ६१ वर्षिय सहदेवप्रसाद यादव अज्ञात व्यक्तिको गोली प्रहारबाट घाइते भएको जिल्ला प्रहरी कार्यालय महोत्तरीका नायव उपरिक्षक माघवप्रसाद बुढाथोकीले जानकारी दिनुभयो । राति २ बजेतिर पिसाब फेर्न निस्किएका उनलाई गोली प्रहार गरिएको थियो । उनलाई छातीको मुनी कोखामा गोली लागेको र अवस्था अहिले खतरामुक्त रहेको प्रहरी नायव उपरिक्षक बुढाथोकीले बताउनुभयो ।
उनको उपचार जनकपुरस्थित जानकी हेल्थ केयरमा भइरहेको छ भने घटना के कारणले घटेको हो अनुसन्धान भइरहेको जनाइएको छ । अनुसन्धानको लागि एकजनालाई नियन्त्रणमा लिइएपनि घटनाबारे थप खुल्न नसकेको प्रहरीले जनाएको छ ।
