काठमाण्डौ, चैत्र २ गते । महानगरीय ट्राफिक प्रहरी वृत्त दरबारमार्गबाट काठमाण्डौ महानगरपालिका १ केशरमहल चोकमा ट्राफिक ब्यवस्थापन डिउटीमा खटिएका प्रहरी टोलीलाई आर्थिक प्रलोभनमा पार्न खोज्ने बा.२८ प ४०२८ नम्बरको मोटरसाईकल चालक काठमाण्डौ पेप्सीकोला बस्ने बर्ष ४७ को प्रेमनाथ सेढाईलाई पक्राउ गरेको छ ।
चैत्र १ गते दिउँसो केशरमहल चोकमा चेक जाँचको क्रममा मोटरसाईकलको कागजपत्र नभएकोले कारवाही गर्न खोज्दा निज चालक सेढाईले प्रहरीलाई नगद चार हजार दिई आर्थिक प्रलोभनमा पारी कारवाहीबाट बच्न खोजेका थिए । नगद सहित निजहरूलाई नियन्त्रणमा लिई आवश्यक अनुसन्धान गरिरहेको छ ।
