शिवराज ढुंगाना
मंगलसेन, चैत ५ गते । रामारोशन गाउँपालिका–६ भटाकाटियाका वडा सदस्य बुधबार बिहान मृत अवस्थामा फेला परेका छन् । वडा सदस्य मानसिंह साउँद (इन्द्रजित) सोही वडामा रहेको रोल्ते भन्ने स्थानको खोलामा मृत अवस्थामा शव भेटिएको वडाअध्यक्ष उदयबहादुर साउँदले जानकारी दिनुभयो ।
घटनामा मृतकको निधन कतिखेर भएको अनुमान गर्न नसकिएपनि निधारमा चोट देखिएको वडा अध्यक्ष साउँदको भनाइ छ । घटनाका बारेमा अनुसन्धाका लागि प्रहरीको टोली घटनास्थल गइरहेको बताइएको छ । यसअघि पञ्चदेवल विनायक नगरपालिका–२ का वडा अध्यक्ष पदमबहादुर धामी आफ्नै वडामा रहेको भैसी गोठमा माघ २१ गते बिहान मृत अवस्थामा फेला परेका थिए ।
२०८१ मंसिर १० सोमवार
