कालीकोट समाचारदाता
कालीकोट चैत १५ गते । कालीकोट जिल्लाको तिलागुफा नगरपालिका वडा नं २ मा रहेको दुर्गा माध्यमिक विद्यालय रतडाका शिक्षक प्रकाश शाहीको निधन भएको छ । वुधवार तिलागुफा नगरपालिका वडा नं ६ घर जाने क्रममा अटो रिक्सा दुघर्टनामा पर्नु भएका शाहीको उपचारका क्रममा निधन भएको हो ।
कर्णाली स्वास्थ्य बिज्ञान प्रतिष्ठान जुम्लामा उपचारका क्रममा शिक्षक शाहीको निधन भएको सत्यदेवि मावि जुविथाका प्रधानाध्यपक धर्मराज शर्माले वताउनुभयो । दुर्घटनामा प्रकाश शाही संगै एकै गाउँका चार जना घाइते भएका थिए । घाइते हुनेहरुमा तिलगुफा नगरपालिका वडा नं ६ कै पर्व शाही, रमेश शाही र निराजन शाही हुन । अन्य तीन जनाको कर्णाली स्वास्थ्य बिज्ञान प्रतिष्ठानमा उपचार भईरहेको छ ।
२०८१ मंसिर ११ मंगलवार
