उर्लाबारी समाचारदाता
उर्लाबारी, चैत, २१ गते । लकडाउनले यातायात ठप्प हुँदा पूर्वी मोरङका व्रोइलर कुखुरा पालक किसान आर्थिक मारमा परेकाछन् ।
३० दिन देखि ४५ दिन भित्रमा बिक्री गरिसक्नु पर्ने कुखुरा ५६ दिनको भइसक्दा पनि बिक्री गर्न नपाएको किसानहरूको भनाई छ । पूर्वी मोरङमा हाल १० हजार कुखुरा बजार पु¥याउन नपाएर खोर मै थन्किएर रहेको रोजगार पोल्ट्री एण्ड फिड सप्लायर्स उर्लाबारीका सञ्चालक कपिल गौतम बताउनु हुन्छ । पूर्वी मोरङका मिक्लाजुङ, उर्लाबारी,रतुवामाई,पथरीशनिश्चरे,लेटाङ र कानेपोखरीमा ६० बढी डिलर रहेका छन् । एउटा डिलरले २५ जना किसानलाई चल्ला र दाना उपलब्ध गराउँदै आएको छ । सञ्चालक गौतमले भन्नुभयो – एउटा किसानले २ सय देखि ३ हजार व्रोइलर कुखुरा पालिरहेका छन् ।
सामान्यतया २ सय कुखुरा पाल्न किसानको १ लाख रुपियाँ खर्च हुने गर्छ । औषत प्रति केजी २ सय रुपियाँमा बिक्री हुने कुखुरा लकडाउन भएयता बिक्री ठप्प छ । ग्रामीण क्षेत्रमा ब्रोइलर पालन बढी छ । माग शहरी क्षेत्रमा हुने गरेको छ । गाउँबाट शहर पु¥याउँन नसक्दा १० हजार कुखुरा खोरमै थन्किएका छन् । अझ बजार र साना फ्रेस हाउसहरू पूर्ण रुपमा बन्द हुँदा कुखुराको माग शुन्य छ ।
पथरीशनिश्चरे ५ भोटेघुम्तीका किसान रमेश गिरीले भन्नुभयो – ७ सय कुखुरा लाई ६५ रुपियाँ प्रति किलोको दाना खुवाएर पालिरहेको छु । पछिल्लो पटक २५ सय चल्ला हाल्नु भएका गिरीले ७ सय कुखुरा बिक्री गर्न बाँकी हुँदा लकडाउन भयो । ३५ दिनका भएपछि बिक्री गर्न सुरु गरेको बताउँदै उहाँले भन्नुभयो – जति छिप्पिए उति बढी चारो खान्छन् । मासु बढ्दैन , उल्टो वजन घट्न थाल्छ । अहिले गिरीले कुखुरालाई सास जोगाउन दैनिक २ वोरा दाना दिइरहनु भएको छ । जसको मूल्य दैनिक ६ हजार ५ सय रुपियाँ पर्छ । दैनिक उपभोग्य सामग्री कै रुपमा कुखुरा पनि बिक्री गर्न पाउनु पर्ने गिरीको भनाई छ ।
उता सोही स्थानका रमेश कार्की कुखुरा बिक्री नभएका यो सिजनमा मात्र २० लाख रुपियाँ डुब्ने बताउनु हुन्छ । पथरीशनिश्चरे ५ को हसन्दह बजारका कार्कीले किसानलाई ७० प्रतिशत लगानी गर्न लगाएर आफूले ३० प्रतिशत लगानी गरी ३५ सय कुखुरा पालिरहनु भएको छ । जयकिसान पोल्ट्री फर्मका सञ्चालक समेत रहनु भएका कार्कीले भन्नुभयो – ५ हजार कुखुरा बिक्रीका लागि बजार पु¥याउँनु पर्ने भएको छ । तर, लक डाउनले ब्यापार चौपट्ट भयो । कार्कीसँग कारोवार गरिरहेका चिरञ्जीवी बन्जाराको पनि हालत उस्तै छ । ५ सय कुखुरा ४० दिन माथिका भए । बिक्री छैन् । होटल, साना फ्रेस हाउस सबै बन्द छन् । अझ ब्रोइलर कुखुरा नखानु भन्ने हल्लाले झनै किसानहरू प्रभावित भएका छन् ।
किसानहरूले स्थानीय सरकारसँग बिक्रीका लागि प्रबन्ध मिलाइ दिन बारम्बार आग्रह गरेका छन् । तर, स्थानीय सरकारले पनि वेवास्था गरेको किसान रमेश गिरीले बताउनु भयो ।
उता पथरीशनिश्चरे नगरपालिकाकी उप प्रमुख यमुना बिष्ट बास्तोलाले नगरका तीन वटा फ्रेस हाउसलाई सञ्चालनको अनुमति दिइएको बताउनु भयो । बाणिज्य संघ, नगरपालिका र किसान बीच छलफल भएर नै फ्रेस हाउ सञ्चालनमा आएको उहाँको भनाई छ । तर, किसानहरू ति फ्रेस हाउसले आफैले उ्रत्पादन गरेको कुखुरा काट्ने भएकोले सबै किसानका कुखुरा खपत नभएको बताउँछन् ।
