गोरखापत्र समाचारदाता
काठमाडौं,चैत २६ गते । चिकित्सा विज्ञान राष्ट्रिय प्रतिष्ठान कर्मचारी युनियनले गोरखापत्र संस्थानका कर्मचारी तथा पत्रकारहरुका लागि पाँचसय थान सर्जिकल माक्स सहयोग गरेको छ ।
प्रेस संगठन नेपाल गोरखापत्र प्रतिष्ठान शाखाको पहलमा सस्थानका कर्मचारी तथा पत्रकारलाई मास्क उपलब्ध गराइएको हो । कर्मचारी युयियनका सचिव दिपक मुडभरीले गोरखापत्र सस्थानका सल्लाहकार टिकाराम राईलाई उक्त मास्क हस्तान्तरण गर्नुभयो ।
युनियनले संस्थानमा कार्यरत सुरक्षाकर्मीहरुका लागि एन ९५ मास्क, सेनेटाइजर, डिटोल लगायतका सामाग्री पनि उलब्ध गराउने भएको छ । संस्थानका सल्लाहकार राइले मास्क लगायतको सामाग्री संस्थानमा कार्यरत कर्मचारी तथा पत्रकारहरुका लागि प्रयोग हुने बताउनुभयो ।
