गोरखापत्र अनलाइन
काठमाडौं, चैत ३० गते । पोखरा उपमहानगरपालिका–११ पुरानधारा डेरा गरी बस्ने गोरखा आरुघाट गाउँपालिका–५ घर भएका ४९ वर्षीय खड्काबहादुर गुरुङले संचालन गरेको गोरखा एण्ड खाजा घरमा जुवातास खेलिरहेको अवस्थामा नगद २२ हजार ५ सय ४५ रुपैयाँ र ३ बुक तास सहित गुरुङ लगायत ६ जनालाई शनिबार दिउँसो प्रहरीले पक्राउ गरेको छ ।
उक्त स्थानमा जुवातास खेलिरहेको भन्ने सूचना प्राप्त हुनासाथ वडा प्रहरी कार्यालय रामबजारबाट खटिएको प्रहरीले उनीहरुलाई पक्राउ गरेको हो ।यस सम्बन्धमा प्रहरीले थप अनुसन्धान गरिरहेको जिल्ला प्रहरी कार्यालय कास्कीले जनाएको छ ।
