महोत्तरी समाचारदाता
जलेश्वर, बैशाख ४ गते । महोत्तरी जिल्लामा विभिन्न घटनामा परि दुईको मृत्यु भएको छ । महोत्तरी जिल्लाको सम्सी गाउँपालिका वडा न. ६ सम्सीमा बिहीबार करेन्ट लागेर गणेशी साहको छोरा वर्ष १८ का राजेश कुमार साहको मृत्यु भएको छ ।
छतमा रड लिएर चढदै गरेको अवस्थामा ११ हजार भोल्टको तारमा लागी करेन्ट प्रवाह भएको थियो । उनको तत्कालै मृत्यु भएको थियो । उनको शवलाई पोष्टमार्टमको लागि जलेश्वर अस्पताल ल्याइएको छ ।
त्यसैगरी, वुधबार बर्दिबास नगरपालिकाको सरस्वती सामुदायिक वनमा लागेको आगोमा जलेर एकजनाको मृत्यु भएको छ ।
महोत्तरीको बर्दिबास नगरपालिका वडानं. १० स्थित सरस्वती सामुदायिक बनमा लागेको आगोमा जलेर सोही ठाउँका ७० वर्षिय हर्कबहादुर बाईबाको मृत्यु भएको जिल्ला प्रहरी कार्यालय महोत्तरीले जनाएको छ । गाउँबाट घर जान हिडेका बेला एक्कासी उनी बनमा घेरिन पुगेका थिए ।
