शिवशंङ्कर मिश्र
बारा, बैशाख २६ गते । आफैले चलाउदै आएको मोटरसाईकल कल्भर्टमा ठोकिदा यूवकको मुत्यु भएको छ । मृत्यु हुनेमा बाराको महागढीमाई नगरपालिका वडा नम्बर–१० गञ्जभवानिपुर टोल बस्ने अन्दाजी बर्ष २२ को प्रशुराम प्रसाद यादव रहेको प्रहरी चौकी गञ्जभवानीपुरका प्रहरी नायब निरीक्षक रुद्र प्रसाद श्रेष्ठले बताउनुभयो ।
कलैयाबाट समान लिएर गञ्जभवानीपुर आउदै गरेको ना.४६ प.३६६९ नम्बरको मोटरसाईकल सोही ठाउँ वडा नम्बर–१० गञ्जभवानीपुर नजिकै बिहीबार राती ८ बजे कल्र्भटमा तिब्र गतिका कारण ठोकिदा यादव गम्भीर घाइते भएको थियोे ।
गम्भिर घाइते यादवलाई उपचारको लागि कलैया अस्पतालमा ल्याउदा उहाँलाई चिकित्सकले मुत्त घोष्णा गरिएको परिवारजनले जनाएको छ । मोटरसाईकल प्रहरी चौकीको नियन्त्रणमा रहेको तथा मुत्तक यादवको शव शुक्रबार दिउसो परीक्षण पछि परिवारको जिम्मा दिने बारा प्रहरीले जनाएको छ ।
