काठमाडौँ, वैशाख २९ गते । सोताङ गाउँपालिका–३ पोक्चमबाट भरुवा बन्दुक एक थान, मृगको मासु २ केजी र मृत्त कालिजसहित सोही ठाउँ बस्ने २१ वर्षीय प्रदीप राईलाई आइतबार प्रहरीले पक्राउ गरेको छ ।
सोही गाउँपालिकास्थित सोल्पा नागीयाङ सामुदायिक वनबाट सिकार गरी घरतर्फ फर्कने क्रममा राईलाई ईलाका प्रहरी कार्यालय सोताङबाट खटिएको प्रहरीले भरुवा बन्दुकसहित फेला पारी पक्राउ गरेको हो । साथै उनीसँगै रहेका सोही ठाउँ बस्ने २५ वर्षीय दीपक राई प्रहरीलाई देख्नासाथ फरार भएकोले प्रहरीले उनको खोजी गरिरहेको छ । यस सम्बन्धमा प्रहरीले थप अनुसन्धान गरिरहेको जनाएको छ ।
