विष्णुप्रसाद पोखरेल
दमक, वैशाख ३१ गते । झापाको दमक ५ स्थित दीपेनी मार्गमा बुधबार बिहान ८ बजे सडक दुर्घटनामा एक किशोरको ज्यान गएको छ । खोलाबाट खोलाजन्य सामाग्री झिकेर आएको को १ ख ५५२४ नम्बरको टिपरले साइकलमा सवार एक किशोरलाई ठक्कर दिएको प्रहरीले जनाएको छ ।
टिपरको ठक्करले साइकलमा रहेका दमक १ का १६ वर्षीय सोवित दर्जीको घटनास्थलमा नै ज्यान गएको हो । ट्राफिक कार्यालय दमकका प्रमुख प्रहरी एवम् प्रहरी सहायक निरीक्षक यज्ञराज शर्माका अनुसार पश्चिमबाट पूर्वतर्फ गइरहेको टिपरले पूर्वबाट पश्चिमतर्फ साइकलमा आइरहेका किशाेरलाई ठक्कर दिएको थियो ।
दर्जीको घटनास्थलमा नै मृत्यु भएको थियो । टिपर अधिक गतिमा सञ्चालनमा रहेको भन्दै स्थानीय आक्रोशित भएका थिए । लकडाउनको समयमा समेत दुर्घटना भएको भन्दै स्थानीयले आक्रोश पोखेका थिए ।
