महोत्तरी समाचारदाता
जलेश्वर, साउन ६ गते । महोत्तरीमा रातु नदी तर्न खोजेका एक युवक नदीमा बगेर बेपत्ता भएका छन् । जिल्ला प्रहरी कार्यालय, महोत्तरीका प्रहरी नायब उपरीक्षक प्रकाश विष्टले नदीमा बगेर भङ्गहा नगरपालिका-६, सङ्ग्रामपुर निवासी करिब ३५ वर्षीय वीरेन्द्र कापर बेपत्ता हुनुभएको जानकारी दिनुभयो ।
उहाँले साइकल बोकेर नदी पार गर्ने क्रममा एक्कासि नदीले कापरलाई बगाएको बताउँदै विस्तृत विवरण आउन बाँकी रहेको जानकारी दिनुभयो । बेपत्ता युवकको खोजीको लागि प्रहरीसहित स्थानीयवासी लागिपरेको उहाँको भनाइ छ ।
