अर्जुन काफ्ले
स्याङ्जा, असोज २४ गते । पुतलीबजार नगरपालिकाबाट अवैद्य लागूऔषधसहित तीन जनालाई पक्राउ गरेको छ ।
पुतलीबजार नगरपालिका ४ नागडाँडाबाट उनीहरुलाई १८४ एम्पुल डाईजेपाम, १८४ एम्पुल फेनारगन र १८४ एम्पुल नुफिनसहित पक्राउ गरेको हो ।
जिल्ला प्रहरी कार्यालय स्याङ्जाका अनुसार पक्राउ पर्नेहरुमा फेदीखोला गाउँपालिका २ बस्ने ३४ वर्षीय विक्रम गुरुङसहित तीन जना रहेको प्रहरी नायब उपरीक्षक राजेन्द्र प्रसाद अधिकारीले बताउनुभयो ।
उनीहरुलाई लागूऔषध नियन्त्रण व्यूरो शाखा कार्यालय पोखरा र प्रहरी चौकी फेदीखोलाबाट खटिएको संयुक्त प्रहरी टोलीले लागूऔषधसहित फेला पारी पक्राउ गरेको हो ।
सुराकीको आधारमा कास्कीको टोलीले पक्राउ गरेकाले अन्यको नाम भने नखुलाईएको अधिकारीले बताउनुभयो ।
