शिवशङ्कर मिश्र
बारा, असोज २४ गते । मोटरसाइकलको ठक्करले गम्भिर घाइते गोमादेवी गौतमको मृत्यु भएको छ । उपचारको क्रममा उहाँको आज मृत्यु भएको प्रहरीले जनाएको छ ।
कोल्हवी नगरपालिका २ हनुमानगञ्ज टोल बस्ने अन्दाजी बर्ष ६५ की गौतमलाई सोही ठाउँ ब्रह्मस्थान नजिकै सुनमती चोकबाट पिपरियातर्फ जाँदैगरेको ना ४ प ७०३७ नम्बरको मोटरसाइकलले शनिबार बिहान पौने ९ बजे ठक्कर दिई गम्भिर घाइते बनाएको थियो ।
गम्भिर घाइते गौतमको कोल्हवीमा समान्य उपचारपछि थप उपचारका लागि विरगञ्जस्थित बयोधा अस्पतालमा पठाइएकोमा आईतबार बिहान साढे ८ बजे उपचारको क्रममा मृत्यु भएको जिल्ला प्रहरी कार्यालय बाराले जनाएको छ ।
गोमालाई ठक्कर दिई फरार भएको मोटरसाइकल चालक रौतहट फतुवा बिजयपुर नगरपालिका ११ बस्ने १४ बर्षिय तपरेज देवरलाई प्रहरीले नियन्त्रणमा लिएको बारा प्रहरीले जनाएको छ ।
यसैगरी तरकारी बारीमा सिंचाई गरिरहेको अवस्थामा पानी तान्ने मोटरमा करेन्ट प्रवाह भई महागढीमाई नगरपालिका ८ ब्रह्मपुरीमा ४५ बर्षिय रामेश्वर महतो कोइरीको मृत्यु भएको बाराका प्रहरी नायब उपरीक्षक गौतम मिश्रले बताउनुभयो ।
