शिवकुमार रिजाल काशी
हेटौँडा, कात्तिक ४ गते । मकवानपुरको राक्सिराङ गाउँपालिकाबाट दुई जना पुरुष अवैध लागूऔषध गाँजासहित पक्राउ परेका छन् । हेटौँडाबाट वीरगञ्ज जाँदैगरेको ना १ ज १६७६ नम्बरको माइक्रोबसबाट प्रहरीले पक्राउ गरेको हो ।
मकवानपुरको राक्सिराङ गाउँपालिका ५ घर भएका ४८ बर्षीय प्रेमबहादुर प्रजा र २२ बर्षका रबिन्द्र प्रजालाई पक्राउ गरिएको जिल्ला प्रहरी कार्यालय मकवानपुरले जनाएको छ । प्रहरीका अनुसार उनीहरुलाई पूर्वपश्चिम लोकमार्गको हेटौँडा १५ स्थित रातोमाटेबाट पक्राउ गरिएको हो ।
लागूऔषध नियन्त्रण ऐन २०३३ बमोजिम कारबाही प्रक्रिया अघि बढाइने जिल्ला प्रहरी कार्यालय मकवानपुरले जनाएको छ ।
