सलिम मियाँ
बिजुवार (प्युठान) कात्तिक ४ गते । अरङखोलामा बेपत्ता थप एक जनाको शव आज फेला परेको छ । बुधबार बिहान माण्डवी गाउँपालिका–४ आँपचौरमा घर नजिकैको खोला तर्ने क्रममा बेपत्ता भएका २ वर्षीय दिनेश कार्कीको शव आज फेला परेको हो ।
कार्कीको त्रिवेणीधाम बगरमा स्थानीयले फेला पारेका हुन् । योसँगै मृतकको सङ्ख्या दुई पुगेको छ । एक जना अझै बेपत्ता छन् । स्थानीय ८ वर्षीया अनुस्का अधिकारीको अझै अवस्था अज्ञात छ ।
२८ वर्षीया देवीसरा कार्कीको शव बुधबार नै फेला परिसकेको जिल्ला प्रहरी कार्यालय प्युठानका प्रवक्ता, प्रहरी निरीक्षक देवीप्रसाद गैरेले जानकारी दिनुभयो । उहाँका अनुसार प्रहरी र स्थानीयले बेपत्ताको खोजीकार्य भइरहेको छ ।
