सलिम मियां
बिजुवार, कात्तिक १२ गते । नेकपा (एमाले) ले प्युठानको आठ पालिकामा सर्वसम्मत नेतृत्व चयन गरेको छ । दुई नगरपालिकासहित नौ वटा स्थानीय तह रहेको प्युठानमा गौमुखी गाउँपालिकामा अधिबेशन हुन बाँकी छ ।
एमाले प्युठानकाअनुसार मंगलबार भएको प्रथम अधिबेशनवाट जिल्लाको प्युठान नगरपालिकामा टंकबहादुर खड्का र स्वर्गद्वारी नगरपालिकामा रामप्रसाद श्रेष्ठ अध्यक्ष चयन हुनुभएको छ । त्यस्तै, नौबहिनी गाउँपालिकामा बिष्णु केसी, झिमरुक गाउपालिकामा इन्द्रमणि पोख्रेल, मल्लरानी गाउँपालिकामा सुनिल शाही लेकाली, माण्डवी गाउँपालिकामा एमबहादुर घिमिरे चयन हुनुभएको छ ।
सोहीअनुसार ऐरावती गाउँपालिकामा श्याम थापा र सरुमारानी गाउँपालिकामा वसन्त जिसी अध्यक्षमा चयन हुनुभएको एमाले प्युठानका कार्यालय सचिब लिलबहादुर बिकले जानकारी दिनुभयो ।
