विजयकुमार साह
ढल्केवर, कात्तिक २५ गते । धनुषाको क्षीरेश्वरनाथ नगरपालिका–५ महेन्द्रनगरस्थित ढल्केवर– जनकपुर सडक खण्डमा एकआपसमा मोटरसाइकल ठोकिँदा एक जनाको मृत्यु भएको छ ।ढल्केवरबाट जनकपुरतर्फ गइरहेको ज ९ प २३५५ नम्बरको मोटरसाइकल र विपरित दिशाबाट तीन जना सवार प्रदेश २–०१–००१ प ४८५८ नम्बरको मोटरसाइकल बुधबार राति १० बजे एकआपसमा ठोक्किएका थिए ।
ठक्करबाट मुत्यु हुनेमा प्रदेश २–०१–००१ प ४८५८ नम्बरको मोटरसाइकलका चालक रहेको इलाका प्रहरी कार्यालय महेन्द्रनगरका प्रहरी निरीक्षक तिलक सुनारले बताउनुभयो । उहाँले मृतक चालकको नामथर र ठेगाना तत्काल खुल्न नसकेको बताउँदै उहाँको प्रादेशिक अस्पतालमा उपचारको क्रममा मृत्यु भएको जानकारी दिनुभयो । गम्भीर घाइते अवस्थामा उनलाई उपचारका लागि अस्पताल पु¥याइएको थियो ।
यता, जनकपुरबाट ढल्केवरतर्फ आउँदै गरेको ज ९ प २३५५ नम्बरको मोटरसाइकलमा सवार तीन जना घाइते भएका छन् । घाइते हुनेहरुमा सिरहको मिर्चैया नगरपालिका ६ बस्ने अमित साह, रोशन महतो र राज साह रहेका छन् । त्यसमध्ये गम्भीर चोटपटक लागेका अमितको विराटनगरस्थित नोबेल मेडिकलमा उपचार भइरहेको छ भने सामान्य घाइते रहेको अन्य दुई जनाको प्रादेशिक अस्पताल जनकपुरमा उपचार भइरहेको प्रहरी निरीक्षक सुनारले जानकारी दिनुभयो ।
ठक्करबाट दुबै मोटरसाइकल क्षतविक्षत भएको छ । ती दुबै मोटरसाइकल इलाका प्रहरी कार्यालय महेन्द्रनगरले नियन्त्रणमा राखेको छ ।
