ललिता साह
सप्तरी, मङ्सिर ७ गते । पूर्व–पश्चिम लोकमार्गअन्तर्गत सप्तरीमा सडक दुर्घटनामा परी चार दिनमा पाँच जनाको मृत्यु भएको छ भने दुई दर्जन घाइते भएका छन् ।
गत बुधबार खडक नगरपालिका–६ मा नम्बर नखुलेको ट्याक्टर दुर्घटना हुँदा स्थानीय अनारदेवी पासमानको मृत्यु भएको थियो । साथै श्याम ठाकुर, किसुनलाल ठाकुर, रविन्द्र ठाकुर र अर्जुन चौधरीलगायत सात जना घाइते भएको जिल्ला प्रहरी कार्याल सप्तरीले जनाएको छ ।
त्यस्तै बिहीबार २ गते कञ्चनरुपको वेरियरमा ना ५ ख ४६९२ नम्बरको बसले बा ४ ख ५०७९ नम्बरको हायसलाई ठोक्किँदा दुई जनाको मृत्यु र एक दर्जन बढी घाइते भएका थिए ।
मङ्सिर ३ गते नै बोदेवर्साईन सडकखणडमा भएको ट्याक्टर दुर्घटनामा परी एक महिलाको मृत्यु र १४ जना घाइते भएका थिए भने खडक नगरपालिकामा चार गते भएको मोटरसाइकल दुर्घटनामा परी एक २३ वर्षीय युवकको मृत्यु भएको जिल्ला प्रहरी कार्यलयका प्रवक्ता माधव प्रसाद काफ्लेले जानकारी गराउनुभयो ।
यसैगरी मङ्सिर १ देखि ४ गतेसम्ममा जिल्लाको बोदेबर्साईन नगरपालिका, खडक नगरपालिका, कञ्चनरुप नगरपालिकामा भएको छुट्टाछुट्टै सवारी दुर्घटनामा उहाँहरुले ज्यान गुमाएका हुन् ।
