जानु पाण्डे
कपिलवस्तु, मङ्सिर ८ गते । कपिलवस्तुको शिवराज नगरपालिकामा भएको सवारी दुर्घटनामा एक जनाको मृत्यु भएको छ । बुधबार शिवराज नगरपालिका १ शिवपुरस्थित हाइवे पेट्रोल पम्प नजिकै बसको ठक्करवाट १८ वर्षीय किशोरको मृत्यु भएको हो ।
मृत्यु हुनेमा शिवराज नगरपालिका १ निवासी जितबहादुर मगरको छोरा रहेको जिल्ला ट्राफिक प्रहरी कार्यालय कपिलवस्तुले जनाएको छ । पूर्ववाट पश्चिमतर्फ जाँदैगरेको ना ८ ख ८१९१ नम्बरको बसले वनकवासबाट चन्द्रौटातर्फ साइकलमा आउँदै गर्दा बसले ठक्कर दिएको थियो । गम्भीर घाइते भएका मगरको उपचारका क्रममा बुटवलमा केहीबेर अघि मृत्यु भएको प्रहरीले जनाएको छ ।
