सलिम मियाँ
बिजुवार, माघ १७ गते । प्युठानमा एकजना पुरुष मृत अवस्थामा फेला परेका छन् ।
जिल्लाको सरुमारानी गाउँपालिका–२ चौध नम्बर नजिक जङ्गलमा पुरुषको शव भेटिएको जिल्ला प्रहरी कार्यालय प्युठानका प्रमुख प्रहरी नायब उपरीक्षक सत्यनारायण थापाले जानकारी दिनुभयो ।
थापाका अनुसार मृत भेटिएका ती पुरुषको नाम, ठेगाना खुलेको छैन । शव सडेको अवस्थामा रहेको हुँदा सनाखत हुन नसकेको प्रहरीले जनाएको हो ।
सोमबार बिहान स्थानीयवासीले शव देखेपछि प्रहरीलाई खबर गरेका थिए । घटनास्थलमा प्रहरी पुगेको छ र थप अनुसन्धान भइरहेको प्रहरी नायब उपरीक्षक थापाले जानकारी दिनुभयो ।
