मुकुन्द सुवेदी
बर्दिया, माघ १८ गते । बढैयाताल गाउँपालिका वडा नं. ३ सतपतियामा गएराती भएको दुर्घटनामा परी दुईजनाको मृत्यु भएको छ । राती करिब १० बजेतिर घरको आँगनमा आगो तापिरहेका बेला भे १ क १४२५ नम्बरको ट्रिपरले ठक्कर दिँदा दुई जनाको मृत्यु भएको छ ।मृत्यु हुनेमा बढैयाताल गाउँपालिका वडा नं. ३ सतपतियाकै रामु थारु र सोमबहादुर वि.क.को मृत्यु भएको इलाका प्रहरी कार्यालय मैनापोखरले जनाएको छ । पिच सडकमा गुडिरहेको ट्रिपर आगो तापिरहेकामाथि गुडेको थियो ।
ट्रिपरले कुल्चेर मृत्यु भएका आफन्त र स्थानीयबासीले क्षतिपूर्तिको माग गर्दै नेपालगञ्ज गुलरिया सडक खण्ड अन्तर्गत भोलागौडीमा सडक अवरोध गरेका छन् ।
