राजन रावत
हुम्ला, माघ १९ गते । खार्पुनाथ गाउँपालिका– १ को पिउस गाउँक एक जना महिलाको माटोको ढिस्कोले पुरिएर मृत्यु भएको छ । घर लिपपोट गर्ने माटो खन्दैगर्दा माथिबाट आएको ढिस्कोमा पुरिएर महिलाको मुत्यु भएको हो ।
पिउस गाउँका ४० वर्षिया देबकी शाहीको ढिस्कोमा पुरिएर मृत्यु भएको स्थानीय जीवन छत्यालले जानकारी दिनुभयो । आज बिहान वनमा पशुबस्तुका लागि सोतर संकलन गरी खाना खाएर गाउँभन्दा एक किलो मिटर टाढाको मुसेडीमा घर लिपपोट गर्ने माटो लिन गएका बेला पुरिएर उहाँको मृत्यु भएको छत्यालले बताउनुभयो ।
माटो लिन तीन जना महिला जानु भएको थियो । दुई जना बाहिर बसेको र एक जना भित्र खाल्डोमा माटो खन्दै गर्दा ढिस्को खसेर पुरिनु भएको उहाँहरुले बताउनुभयो । उहाँको घटनास्थलमै मृत्यु भएको छत्यालले बताउनुभयो । मृतक शाहीका चार जना छोरी र दुई छोरा छन् ।
