.JPG)
चित्र मिजार
सिन्धुपाल्चोक, फागुन १४ गते । बन्चरो प्रहार गरी श्रीमती हत्या गर्ने बलेफी गाउँपालिका–१ का पैरे ठाँटीकुनाका बेलबहादुर तामाङलाई प्रहरीले पक्राउ गरेको छ ।
सर्लाही हरिवन नगरपालिका–४ माइती भएकी लक्ष्मी बस्नेत तामाङलाई बेल बहादुरले घरायसी विवादमा बन्चरो प्रहार गरी हत्या गरेको जिल्ला प्रहरी कार्यालयका सूचना अधिकारी दक्षकुमार बस्नेतले जानकारी दिनुभएको छ । उपचारको लागि सदरमुकामस्थित चौतारा अस्पताल लैजाँदै गर्दा २८ वर्षीष लक्ष्मीको बाटोमा नै मृत्यु भएको प्रहरीले जनाएको छ ।
वनकाली जङ्गलमा लुकेर बसेको अवस्थामा प्रहरीले बेलबहादुरलाई पक्राउ गरी थप अनुसन्धान अगाडि बढाएको प्रहरी नायब निरीक्षक बस्नेतले बताउनुभयो । निज बेलबहादुर ज्यान मार्ने उद्योगमा २०७७ सालमा सजाय भोगी ३५ हजार धरौटीमा कारागारबाट छुटेका थिए ।
