विष्णु पाेखरेल
दमक, चैत ७ गते । झापामा मोटसाइकल दुर्घटनामा घाइते हुनुभएका एकजनाको मृत्यु भएको छ । कमल गाउँपालिका ७ लालधन्द्राको भित्री सडकमा आइतबार बिहान मोटरसाइकल दुर्घटनामा परेर घाइते हुनुभएका गौरादह ४ का २३ वर्षीय पाण्डव चम्लागाइँको उपचारको क्रममा बिएण्डसि अस्पताल बिर्तामोडमा मृत्यु भएको हो ।
दुर्घटनामा गम्भीर घाइते भएपछि उपचारका लागि अस्पताल लगेकोमा उपचारको क्रममा नै आइतबार साँझ मृत्यु भएको जिल्ला प्रहरी कार्यालय झापाले जानकारी दिएको छ । तीन जना सवार मोटरसाइकल आफैँ अनियन्त्रित भएर दुर्घटना हुँदा तीनै जना घाइते भएकोमा एक जनाको मृत्यु भएको प्रहरीको भनाइ छ ।
