दैलेख, चैत १० गते । जीप दुर्घटना हुँदा नौ जना घाइते भएका छन् । दैलेख बजारबाट चामुण्डा विन्द्रासैनी नगरपालिका जाँदै गरेको लु २ च ४५५४ नम्बरको बोलेरो जीप नारायण नगरपालिका–२ जाहरकोटमा दुर्घटनामा परेको हो ।
जिल्ला प्रहरी कार्यालय दैलेखका प्रहरी निरीक्षक इन्द्रजीत सुनारले जीप दुर्घटनामा नौ जना घाइते भएको जानकारी दिनुभयो । घाइतेमध्ये ६ जना सामान्य उपचारपछि डिस्चार्ज भएका छन् । तीन जनालाई थप उपचारका लागि प्रदेश अस्पताल सुर्खेतमा रिफर गरिएको छ ।
उहाँले जीप चालक सुर्खेत मेहलकुनाका इन्द्रप्रसाद ज्ञवाली, चामुण्डाविन्द्रासैनी नगरपालिका–६ का सूर्य शाही र वडा नम्बर ४ का पूर्ण शाहीलाई थप उपचारका लागि सुर्खेत पठाइएको जानकारी दिनुभयो। बाटोमा गुडिरहेको गाडी अनियन्त्रित भएर भित्तामा ठोक्किएको प्रहरीले जनाएको छ।
