विजयकुमार साह
ढल्केबर, चैत २२ गते । धनुषामा पिकअपको ठक्करबाट मोटरसाइकल चालकको घटनास्थलमै मृत्यु भएको छ । मृत्यु हुनेमा रौतहटको चन्द्रनिगाहपुर नगरपालिका ५ बस्ने ५६ वर्षीय शेरबहादुर राई छन् ।
जिल्लाको मिथिला नगरपालिका–११, बाहुनमारास्थित पृथ्वी राजमार्गमा मङ्गलबार बिहान ८ बजे सिन्धुलीबाट बर्दिबासतर्फ जाँदै गरेको प्रदेश १–०२–००२ प नम्बरको पिकअपले विपरीत दिशाबाट आउँदै गरेको बा ५२ प ५१३० नम्बरको मोटरसाइकललाई ठक्कर दिँदा मोटरसाइकल चालक खत्रीको घटनास्थलमै मृत्यु भएको हो ।
इलाका प्रहरी कार्यालय ढल्केबरका प्रहरी निरीक्षक प्रदीप सुवेदीका अनुसार दुर्घटनामा मृत्यु भएका राईको शवलाई पोष्टमार्टमका लागि जनकपुरस्थित प्रादेशिक अस्पतालमा पठाइएको छ ।
ठक्कर दिने पिकअप र त्यसका चालक सुनसरीको बराह नगरपालिका–७ बस्ने २४ वर्षीय मनीष खत्रीलाई प्रहरीले नियन्त्रणमा लिएको छ ।
