दाङमा इतिहास चिनाउने धुपघडी

तुलसीपुर उपमहानगरपालिका ७ गणेशपुर शान्तिपार्कमा धुपघडी राखिएको छ । धुपघडी १८ इन्च वृत्ताकार रहेको छ । विज्ञान र प्रविधिका कारण समयका बारेमा जानकारी लिन नयाँ घडीको आविस्कार भएका छन् । हाम्रा पूर्खाले कसरी समयका बारेमा जानकारी लिन्थे भन्नेबारेमा जानकारी दिन त्यहाँ धुपघडी राखिएको छ ।

विभिन्न घटनामा तीन जनाको मृत्यु

महोत्तरीमा भएको विभिन्न घटनामा तीन जनाको मृत्यु भएको छ । मोटरसाइकल र सुमो जुध्दा भएको दुर्घटनामा दुई जनाको मृत्यु भएको छ । एक जना यात्रुको नुहाउने क्रममा मृत्यु भएको जिल्ला प्रहरी कार्यालय महोत्तरीले जनाएको छ ।

काँग्रेस अछामको सभापतिमा शाह विजयी

नेपाली काँग्रेस अछामको सभापतिमा पुष्पबहादुर शाह विजयी हुनुभएको छ । दोस्रो चरणको मतदानबाट शाहले निवर्तमान सभापति भरतकुमार स्वारलाई ६८ मतले पछि पार्दै विजयी हुनुभएको हो ।

अति विपन्न तीन सय दलित परिवारको निःशुल्क स्वास्थ्य बीमा

मोरङको रतुवामाई नगरपालिकाले नगर भित्रका अति विपन्न तीन सय दलित परिवारको निःशुल्क स्वास्थ्य बीमा गरिदिएको छ । नगर प्रमुख रविन राईले सोमबार वडा नं. ८ बाट विपन्न दलित परिवारको निःशुल्क स्वास्थ्य बीमा कार्यक्रम सुरु गर्नुभयो ।

हेलिकोप्टरमा गोसाइँकुण्ड जाने बढे

रसुवाको उच्च भागमा अवस्थित पवित्र तीर्थस्थल गोसाइँकुण्डमा हेलिकोप्टरबाट पुग्नेको सङ्ख्या बढ्दो छ । जिन्दगीमा एक पटक भए पनि पुग्नैपर्ने ठाउँका रुपमा गोसाइँकुण्डको धार्मिक महत्व रहेको छ । उकालो बाटो हिँड्दा कठिन हुनेभएकाले यात्रा सहजताको लागि पछिल्लो समय अधिकांश यात्रुले गोसाइँकुण्ड जान हेलिकोप्टर रोज्न थालेका हुन । स्थानीय होटल व्यवसायी हेलिकप्टरमार्फत गोसाइँकुण्डको दर्शन गर्ने भक्तजनको सङ्ख्या बढ्दो बताउँछन्...