चोरीका मोटरसाइकल सम्वन्धित धनीलाई फिर्ता

सर्लाहीको हरिवनमा रहेको इलाका प्रहरी कार्यालयले बरामद गरेको चोरीको मोटरसाइकल सम्वन्धित धनीलाई फिर्ता गरेको छ । चोरी भएका ६ वटा मोटरसाइकल बरामद गरेर बुधबार बिहान सम्वन्धित धनीलाई बुझाइएको इलाका प्रहरी कार्यालय हरिवनका प्रहरी निरीक्षक भूपेन्द्र गिरीले जानकारी दिनुभयो ।

कुर्था–जयनगर रेल सेवा फागुन १ गतेदेखि ‘ड्राइ रन’ को तयारी

फागुन १ गतेदेखि धनुषाको कुर्थाबाट भारतको जयनगरसम्म रेल नियमित सञ्चालन पूर्व ड्राइ रन सञ्चालन गरिने तयारी गरिएको छ । रेल सञ्चालनमा आइसकेपछि अवरोध नहोस भन्ने उद्देश्यले आगामी फागुन १ गतेदेखि प्रत्येक दिन एक पटक कुर्था–जयनगरसम्म ड्राइ रन रेल सञ्चालनको तयारी गरिएको हो ।

ताप्लेजुङमा एक सातादेखि उडान अवरुद्ध

ताप्लेजुङमा भारी हिमपात र प्रतिकूल मौसमका कारण यहाँको सुकेटार विमानस्थलमा सातादेखि उडान अवरुद्ध भएको छ । विमानस्थलमा हिमपात र बाक्लो हुस्सुसहित धुम्मिएर मौसम प्रतिकूल भएसँगै उडान निरन्तर अवरुद्ध भएको हो । यसअघि गएको शुक्रबार र सोमबार उडान पनि हिमपातका कारण अवरुद्ध बनेको थियो । आज मौसम नखुलेका कारण उडान रद्द भएको नेपाल वायु सेवा निगमका ताप्लेजुङ स्टेसन इन्चार्ज लोकेन्द्र लिम्बूले बताउनुभयो ।

बुद्धसिंह मार्गलाई वैकल्पिक माार्गको रुपमा स्तरोन्नति गर्न निर्देशन

गण्डकी प्रदेशका मुख्यमन्त्री कृष्णचन्द्र नेपाली पोखरेलले शहीद बुद्धसिंह मार्गको स्तरोन्नति गर्न निर्देशन दिनुभएको छ । सो मार्गको अवलोकन तथा निरीक्षणपछि सम्बन्धित निकायलाई पृथ्वीराजमार्ग वैकल्पिक मार्गको रुपमा प्रयोग गर्न मिल्नेगरी काम गर्न निर्देशन दिनुभएको हो ।

बाणगङ्गा नगरपालिकाका कृषकलाई दक्षिण कोरिया पठाइँदै

कृषि क्षेत्रमा कोरियन पद्धति सिकाउन कपिलवस्तुको बाणगङ्गा नगरपालिकाले स्थानीय कृषकलाई दक्षिण कोरिया पठाउने भएको छ । बाणगङ्गा नगरपालिकाले मौसमी कृषि कामदार स्वरूप स्थानीय कृषकलाई दक्षिण कोरिया पठाउने तयारी गरेको हो ।