भूमिगत सिंचाईको लागि दुई करोड रुपैयाँकाे वजेट

तनहुँमा पहिलो पटक भूमिगत सिंचाईको लागि वजेट परेको छ । जमिन मुनीको पानीलाई सिंचाईको लागि तराई प्रयोग हुँदै आए पनि पहाडमा भने पहिलो पटक नयाँ प्रविधि अन्तर्गत भूमिगत सिंचाईको लागि वजेट परेको जलस्रोत तथा सिंचाई विकास डिभिजन कार्यालय तनहुँले जनाएको छ ।

करेन्ट लागेर एकको मृत्यु   

सप्तरीको छिन्नमस्ता गाउँपालिका कुपिहमा आइतबार साँझ करेन्ट लागेर एक जना युवाको ज्यान गएको छ । मृत्यु हुनेमा स्थानीय २५ वर्षीय धर्मेन्द्र मण्डल रहेको मृतकका दाइ पर्ने विजय मण्डलले जानकारी दिनुभयो

सार्वजनिक शौचालय सञ्चालन

नेपालगञ्ज उपमहानगरपालिकाले निर्माण गरेका तीनवटा आधुनिक सार्वजनिक शौचालय सञ्चालनमा आएका छन् । नेपालगञ्ज उपमहानगरपालिकाले नेदरल्याण्ड विकास नियोगको स्वास्थ्य र विकासका लागि नगर सरसफाइ योजनाअन्तर्गत रु ८१ लाख १६ हजार ५९१ सहयोगमा तीन वटा सार्वजनिक शौचालय निर्माण गरेको नेपालगञ्ज उपमहानगरपालिकाका प्रमुख डा धवलशम्शेर राणाले जानकारी दिनुभयो ।

परम्परागत नाच जोगाउँदै युवा

कलाकार अभावमा परापूर्व कालदेखि चलिआएको देवी प्याखँ सङ्कटमा पर्ने देखिएपछि कीर्तिपुर–१०, तःननिका युवाले प्याखँको प्रशिक्षण थालेका छन् ।

ट्राफिक व्यवस्थापन गर्न पाँच सय युवा परिचालित

काठमाडौँ उपत्यकाको ट्राफिक व्यवस्थापन गर्न पाँच सय युवा स्वयंसेवक परिचालन गरिएको छ । आइतबारदेखि उपत्यकामा ट्राफिक स्वयंसेवक परिचालन गरिएको हो ।