महिनामा ८० लाखभन्दा बढी रुपियाँको अवैध मालसामान बरामद

जिल्ला प्रहरी कार्यालय धनुषाले एक महिनाको अवधिमा ८० लाखभन्दा बढी मुल्य बराबरको अवैध मालसामान बरामद गरेको छ । भारतबाट भन्सार छलेर हुनेगरेको चोरी पैठारी नियन्त्रण गर्न धनुषा प्रहरीले सक्रियता बढाएपछि फागुन महिनामा मात्रै ८३ लाख २७ हजार ५२५ रुपियाँ बरावरको अवैध मालसामान बरामद भएको हो ।

पत्थरकोट प्रहरीचौकीका सईमाथि आक्रमण

स्थानीयवासीको कुटाइबाट सर्लाहीको पत्थरकोट प्रहरी चौकीका इन्चार्ज एवं प्रहरी नायब निरीक्षक (सई) रामएकवाल यादव घाइते हुनुभएको छ । लालबन्दी नगरपालिका –१३, पत्थरकोट छेडा गाउँमा रहेको प्रहरी चौकीमा कार्यरत सई यादवमाथि बिहीबार मध्यराती प्रहरी पोसाकमा डिउटी गरिरहेकै समयमा स्थानीयवासीले आक्रमण गरेका हुन् ।

क्युआर कोडबाटै मन्दिरमा दान

कनकाई नगरपालिकाले आफ्नो डिजिटल भुक्तानीलाई प्रयोगमा ल्याउन मन्दिरमा दान समेत क्युआर कोडबाट दिन सकिने प्रवन्ध मिलाएको छ ।

नेपालबाट हराएका दुई मूर्ति बेलायत प्रहरीद्वारा फिर्ता

नेपालबाट १९८० देखि १९९० को दशकमा हराएका प्राचीन मूर्तिमध्येका दुई मूर्ति बेलायत सरकारले नेपाललाई हस्तान्तरण गरेको छ । नेपाली दूतावास लण्डनमा शुक्रबार आयोजित एक विशेष समारोहबीच बेलायत प्रहरीका तर्फबाट यहाँस्थित नेपाली राजदूत ज्ञानचन्द्र आचार्यलाई उक्त मूर्ति हस्तान्तरण गरिएको हो ।

मोरङमा सवारी दुर्घटनामा दुईको मृत्यु

तराईमा आज मनाइएको फागुन पूर्णिमा (होली) का दिन मादक पदार्थ सेवन गरी मोटरसाइकल चलाउने दुईको मृत्यु भएको छ । जिल्ला प्रहरी कार्यालय मोरङका प्रवक्त मञ्जिल मुकारुङका अनुसार को २५ प ८५५९ नम्बरको मोटरसाइकल दुर्घटना हुँदा मोरङको कटहरी गाउँपालिका–५ का १६ वर्षीय आलोक विश्वास र ग्रामथान गाउँपालिका–१ का १८ वर्षीय रिसभ चौधरीको आज दिउँसो उपचारका क्रममा विराट शिक्षण अस्पतालमा मृत्यु भएको हो ।